Слободен софтвер Македонија ќе го прослави денот на слободен софтвер на 4.10.2008 година организирајќи презентации за слободен софтвер и слободна култура.За таа цел, во 14 часот на плоштадот Македонија, група уметници колаборативно ќе сликаат платно посветено и инспирирано од овој ден.Претходно во 12ч. , во културниот центар Точка, заинтересираните ќе можат да дојдат и да се информираат околу идеите за слободен софтвер, слободна култура, како и да се запознаат со активностите на „Слободен софтвер Македонија“ и идеите за понатаму.Во текот на целото ова време, ќе делиме дискови со слободниот оперативен систем Ubuntu Linux, модификуван токму за оваа пригода со дополнителни пакети и содржини од уметниците кои за овој ден ни се придружија. На дискот има и слободен софтвер за други оперативни системи како и филм за слободната култура.Од: http://spodeliznaenje.blogspot.com/2008/10/blog-post.html

Од денес достапен е Firefox 3.0.2. За да надградите до оваа верзија, одете во менито „Помош“ во вашиошт Firefox и кликнете на „Најди надградби“.Ако не користите Firefox, најновата верзија може да ја земете од http://getfirefox.com.Патем, од вчера е достапна и новата 0.9 верзија на календарот што го произведува Мозила. Ако сакате проширување одете на https://addons.mozilla.org/en-US/thunderbird/addon/2313. Ако пак сакате самостојна апликација, кликнете на http://www.mozilla.org/projects/calendar.

Ова не е поврзано со Мозила, но сепак е добро да се прошири веста низ блоговите. Отворен е блог за следење на случувањата со Едубунту во училиштата во Македонија: http://edubuntumk.blogspot.com/.

Целта на блогот е да собира приказни и искуства од учениците за компјутерите кои треба да им бидат достапни: од тоа дали се инсталирани и дали им даваат да ги користат (или ги држат под клуч), до тоа што работат и како им оди.

Добар пример на вакви приказни што треба да се најдат на блото има во овој коментар на кајмак.от:

Сестра ми сега почна 7 одд. и на првиот час по „Техничко образование“ наставниот имал таква смелост да му рече на учениците:
– Ако сакате воопшто да ги пуштиме компјутерите ќе мора сите да платите по 150 ден. зошто има инсталиран на нив Linux а тој е многу спака програма.

– И сестра ми после подолг разговор во стилот: „Не е скап безпари е. – Не спак е.“ му побарала адреса на наставникот за да му порача неколку Ubuntu CD-a .

 

Па ако сте ученик пишете, а ако знаете некој ученик, кажете му за блогот.

Многу врева се крена и веројатно веќе сите знаат за новиот преслистувач од Google наречен Chrome.Но, многу врева се крена и за некои од опциите/можностите/поставките кои ги има во прелистувачот, прашањата за приватност и лиценцата. Добар преглед на тие има овде.Па, ако ова ве загрижува, или пак имате други причини да останете со Firefox, но сепак ви се допаѓаат некои од триковите во Chrome, погледајте го овој текст со преглед на проширување што го прават Firefox по-chrome-сличен.

Пред неколку недели направивме мало проширување (екстензија) за Firefox што овозможува инсталирање на речник за македонски јазик: врска.Ако веќе користите Firefox на македонски, тогаш ова не ви е потребно, бидејќи речникот е вграден. Но, ако сепак користите Firefox на англиски или друг јазик, а ви треба можност за проверка на печатни грешки, тогаш овој речник може да ви биде од корист.Правењето на XPI-то всушност беше поттикнато од еден дечко од САД, кому му требаше токму горната можност. Ако (одлучите да) го користите, ќе видите дека сепак има премалку зборови и недостасуваат некои функционалности. И бидејќи повеќе луѓе го увиделе тоа, денес известуваме за иницијативата за развој на подобар речник (spell checker) за Firefox и друг слободен софтвер, како и македонско-англиски и обратно речник, која проработе на една гугл група: врска.Ако сакате да помогнете, посетете ја групата. Ако знаете некој кој сака да помогне, пренесете му ја оваа вест.

1. Во почетокот на 2003 година (и пред тоа) има неколку неуспешни обиди за локализација на Mozilla Suite на македонски јазик. Со појавата на раните верзии на Mozilla Firebird (претходникот на Firefox) започнати се некои активности и за негова локализација. Последен што во тоа време се занимава со локализација е Александар Савиќ.2. Летото 2003 Новица Наков се зафаќа со локализација на производите на Мозила. Првите преводи се достапни на 27 октомври 2003 и тоа за верзиите 0.7.x од Firebird и Thunerbird. Порака од тоа време: http://hedona.on.net.mk/pipermail/ossm-members/2003-October/000013.html. 3. Набрзо потоа направен е преводот и на Mozilla Suite 1.6. Преводот на Suite-от се одржува до 31.01.2005 година, заклучно со верзијата 1.7.5: http://hedona.on.net.mk/pipermail/ossm-members/2005-January/003544.html. Во периодот кој следеше беше најавено дека Фондацијата Мозила ќе се посвети само на Firefox и Thunderbird. Со тоа интересот за локализација на Suite-от престана.4. Во текот на јули и август 2005 година, македонскиот тим за локализација работи на преводите на Firefox и Thunderbird 1.5. До тогаш, локализацијата се врши преку .jar датотеки, а од овие верзии истата преоѓа на CVS. Новица работи преку 33к модемска врска, што е неодржливо. Тогаш тимот расте 100%. Новица успева да го убеди Дамјан Георгиевски да се приклучи во локализацијата на овие програми. Неговото техничко знаење и неограничен пристап до Интернет го прават целиот процес полесен.5. Во март 2007, тимот доживува уште едно статистички големо проширување. Во тој период Иван Стоев почнува да работи на Sunbir 0.5 и 0.6. Во меѓувреме Иван престанува со својата локализаторска поради обврски со студиите. Последниот Sunbird кој е преведен е верзија 0.7 од септември 2007 година. Во меѓувреме, Новица и Дамјан во континуитет работат на преводите на Firefox и Thunderbird 2.x.6. Новица и Дамјан продолжуваат со работа и најновиот Firefox 3.0 е достапен на македонски јазик. Овој пат, пакетот вклучува и додаток за проверка на правопис. Листата на зборови која се користи е онаа од Тарас Бендик, објавена уште во декември 2003 година за тогашниот превод на OpenOffice.org 1.0 на македонски јазик.7. Локализаторскиот блог за мозилини производи (каде што и ги читате овие работи) постои од јули 2007 година. Најзаслужни за тоа се Bi и u240b.8. И покрај постојаната работа не овие неколку луѓе, преводите немаше да бидат онакви какви што се без помошта на поширока група на корисници кои постојано пријавуваат грешки или даваат предлози за тоа како да изгледаат овие програми на македонски јазик. Им благодариме на сите нив.

За сите што сакаат да стават мотив од Firefox за својота работна површина (Desktop):

Повелете.

Па, како што знаете Дамјан од мк мозила тимот е на самитот на Мозила во Вистлер во Канада. Блогираше нешто за тоа на неговиот блог: softver.org.mk/damjan.Постојани новости за случувањата има на мешапот на summit.mozilla.org. Инаку, настанов надвор од официјалната програма е проследен со неколку страшно-смешни ситуации – како на пример опасноста од мечки во Вистлер, лавината на патот до Ванкувер што тешко може брзо да се исчисти, и снемувањето на струја во хотелот откако камион удрил во трансформаторот.На горната врска ќе можете да видите и како луѓето се зезаат за тоа: “A laundry truck hit thetransformer.” Driven by a bear?А технички настроените ликови од заедницата на Мозила веќе отвориле bug на bugzilla.Ете малку хакерски хумор, но како што забележувате сѐ е од пред неколку часови – сега веќе батериите на лаптопите се испразнети.:)

Дамјан е на Мозила самит. Којзнае дали ќе ни пише нешто од таму… 🙂