Веројатно веќе слушнавте дека Firefox наполни 10 години! На 10 ноември 2014 год., речиси сите светски и домашни медиуми го објавија тоа.

В понеделник, на 17 ноември 2014 г. заедницата на Mozilla во Македонија организира настан на кој што ќе прославиме десет фантастични години од објавувањето на првата верзија на прелистувачот Firefox. Сите сте поканети во Concept 37 од 19 часот.

Ќе зборуваме за развојот на Firefox низ годините, за неговата значајна улога во опстојувањето на Отворениот Интернет, за изборот што им го дава на корисниците и за приватноста која што е еден од главните приоритети на заедницата на Mozilla.

Како и на секој роденден и на овој, ќе има убава торта и многу насмеани корисници на Firefox. А, сигурно ќе дојдат и многу наши и ваши пријатели што користат Chrome, Safari, Opera и Internet Explorer. 🙂

Се гледаме!