Веројатно веќе знаете дека на почетокот на оваа недела, во вторник, 17 септември 2013 год., Mozilla објави две нови верзии на Firefox и Thunderbird. Еве краток преглед на новитетите.

Што е ново во Firefox 24 на десктоп?

• нова опција „Close tabs to the right“, за брзо затворање на сите табови на десно од активниот;
• забрзувања на страницата за нов таб;
• големи подобрувања во прикажувањето на графика во форматот SVG, особено при повторување на елементи и нивно редимензионирање;
• подобрен и унифициран терминал – Browser console – како замена на Error console;
• подобрен е модулот за прикажување на PDF, pdf.js;
• 17 сигурносни надградби и друго.

Во Firefox 24 се направени вкупно 543 измени.

Што е ново во Thunderbird 24?

• групите со пораки се можат да бидат означени за игнорирање или пак следење;
• испраќање на пораки до адреси за е-пошта на домени што припаѓаат на IDN;
• можно е зумирање на текстот во прозорецот за пишување на порака;
• 13 сигурносни надградби и друго.

Во Thunderbird 24 се направени вкупно 615 измени.

Честитки до Mozilla и до заедницата и за овие две надградби!