Прославувајќи 15 години од основањето, денес, на 2 април 2013 год. Mozilla ја објави 20-та верзија од Firefox.

Илустрација на Mozilla

Firefox 20 е побрз, постабилен и побогат Интернет прелистувач. Еве накратко дел од новитетите:

• приватно прелистување во нов прозорец;
• нов кориснички интерфејс и интеракција за менаџерот за преземање;
• можност за исклучување на заглавените додатоци, без влијание на работата на прелистувачот;
• бројни надградби на Firefox Developer Tools;
• нова алатка за тестирање на JavaScript – JavaScript Profiler;
• подобрена поддршка за <canvas>, <audio> и <video>;
• забрзувања поврзани со вчитувањето на веб-страници, исклучувањето на прелистувачот, преземањето на датотеки итн;
• надградби поврзани со сигурноста на прелистувачот.

Во Firefox 20 се направени вкупно 3054 измени и подобрувања. Неверојатно!

Честитки до заедницата за напорната работа и за уште едно големо дополнување на Firefox, што е секако добредојдено.